घुससहित दुई जना सहायक वन अधिकृत पक्राउ

२१ जेठ, काठमाडौं । दुई लाख रुपैयाँ घुससहित डिभिजन वन कार्यालय ताप्लेजुङमा कार्यरत दुई जना सहायक वन अधिकृत पक्राउ परेका छन् ।

अख्तियार दुरुपयोग अनुसन्धान आयोगको टोलीले डिभिजन वन कार्यालय ताप्लेजुङका सहायक वनअधिकृत जीवनकुमार यादव र सव डिभिजन वन कार्यालय फुङ्लिङका सहायक वन अधिकृत वीरेन्द्रप्रसाद साहलाई सेवाग्राहीसँग दुई लाख रुपैयाँ घुस लिइसकेको अवस्थामा पक्राउ गरेको आयोगका प्रवक्ता प्रदीपकुमार कोइरालाले जानकारी दिए ।

जडीबुटी निकासीमा छुट पूर्जी दिए बापत सेवाग्राहीसँग घुस मागेको सूचनाको आधारमा इटहरीबाट खटिएको आयोगको टोलीले एक/एक लाख रुपैयाँ घुस लिइसकेको अवस्थामा डिभिजन वन कार्यालय ताप्लेजुङ परिसरबाट मंगलबार दुवै जनालाई नियन्त्रणमा लिएको उनले बताए ।

तपाईको समाचार, लेख /रचना वा सुझाव भएमा nepaldabali@gmail.com मा पठाउनुहोला । यस नेपाल-डबली खबर (www.nepaldabali.com) मा सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । हाम्राे कुनै पनि समाचार अनुमति विना साभार गरेको पाइएमा हामी प्रेस काउन्सिल ऐन अन्तर्गत कारबाहीको प्रक्रियामा जाने छौ ।